දෙමාපියන් තම දරුවන්ට හොඳ අනාගතයක් ලබාදීමට උත්සාහ කරනවා. හොඳ පුරුදු, වගකීම, අධ්යාපනය සහ විනය දරුවෙකුගේ ජීවිතයට අත්යවශ්යයි. නමුත් අපි අපෙන්ම අහන්න ඕන ප්රශ්නයක් තිබෙනවා.
“මගේ දරුවා හොඳ දරුවෙක් වීම පමණක්ද වැදගත්? නැත්නම් ඔහු සතුටින්, ආරක්ෂිතව සහ තමන් ගැන විශ්වාසයෙන් වැඩීමද වැදගත්?”
හොඳ දරුවා කියන්නේ කවුද?
බොහෝවිට සමාජයේ “හොඳ දරුවෙක්” කියන්නේ:
✅ වැඩිහිටියන් කියන දේ කරන
✅ නිහඬව සිටින
✅ ඉහළ ලකුණු ගන්න
✅ වැරදි නොකරන
✅ ප්රශ්න නොකරන දරුවෙකු ලෙසයි. නමුත් දරුවෙකුගේ වටිනාකම ඔහුගේ ලකුණු, ජයග්රහණ හෝ හැමවිටම නිවැරදි වීමෙන් පමණක් මැනිය නොහැක. දරුවෙකුට තම හැඟීම් ප්රකාශ කිරීමට, ප්රශ්න ඇසීමට, වැරදි වලින් ඉගෙන ගැනීමට සහ තමන් වීමට ඉඩ තිබීමත් වැදගත්ය.
සතුටින් සිටින දරුවෙකුගේ ලක්ෂණ
- තමන් ආදරය ලබන බව දැනීම
දරුවෙකුට වඩාත්ම අවශ්ය වන්නේ “මම මොනවා කළත් මගේ දෙමාපියන් මට ආදරෙයි” යන හැඟීමයි. දරුවාගේ වැරදි නිවැරදි කළ යුතු නමුත්, වැරැද්ද නිසා දරුවාගේ වටිනාකම අඩු නොකරන්න. “ඔයා කළ දේ වැරදියි” යන්නත් “ඔයා නරක ළමයෙක්” යන්නත් අතර විශාල වෙනසක් ඇත.
- හැඟීම් හඳුනාගැනීමට හැකි වීම
සතුටින් සිටින දරුවෙක් කියන්නේ හැමවිටම සිනාසෙන දරුවෙක් නොවේ. ඔහුට/ඇයට
- දුක දැනෙන විට කියන්න
- බියක් ඇති වූ විට බෙදාගන්න
- කෝපය පාලනය කරගන්න ඉගෙන ගැනීමට අවස්ථාව ලැබෙන දරුවෙකි.
- වැරදි කිරීමට බිය නොවීම
වැරදි යනු ඉගෙනීමේ කොටසකි. හැම වැරැද්දකටම දඬුවම් ලැබෙන පරිසරයක දරුවා උත්සාහ කිරීමට බිය විය හැකියි. ඒ වගේම තම අදහස් සඟවා ගත හැකියි. වැරැද්දක් වූ විට “මේකෙන් අපිට මොනවද ඉගෙන ගන්න පුළුවන්ද?” කියලා අසන්න.
- දෙමාපියන්ගේ කාලය ලැබීම
දරුවෙකුට මිල අධික සෙල්ලම් බඩු වලට වඩා වටින්නේ
- අම්මා තාත්තා සමඟ කතා කරන කාලය
- එකට සෙල්ලම් කරන අවස්ථා
- තමන්ට ඇහුම්කන් දෙන කෙනෙක් සිටීමය.
සතුටින් සිටින දරුවෙක් හදන්න දෙමාපියන්ට කළ හැකි දේ
✅ දරුවා අනෙක් දරුවන් සමඟ සසඳන්න එපා.
✅ ප්රතිඵලයට පමණක් නොව උත්සාහයටත් ප්රශංසා කරන්න.
✅ දරුවාගේ අදහස් අසා බලන්න.
✅ දරුවා සමඟ දිනපතා මිනිත්තු කිහිපයක් හෝ ගුණාත්මක කාලයක් ගත කරන්න.
✅ ආදරය වචනවලින් සහ ක්රියාවෙන් පෙන්වන්න.
දෙමාපියන්ගේ සැබෑ ජයග්රහණය වන්නේ ලෝකයට “හොඳ” දරුවෙකු පෙන්වීම පමණක් නොව, ලෝකය සමඟ සතුටින් ජීවත් විය හැකි, තමන්ව අගය කරන, අන් අයට ගෞරව කරන මනුෂ්යයෙකු බිහි කිරීමයි.
දරුවාට අවශ්ය වන්නේ පරිපූර්ණ දෙමාපියන් නොවේ. ඔහුට අවශ්ය වන්නේ තමන් ආදරය ලබන බව දැනෙන පවුලක්.
