ගෙදරක ගෘහනියට තමයි පවුලේ ආරක්ෂාව පිළිබඳ වැඩිම වගකීම පැවරෙන්නේ. එම නිසා හැම විටම පවුලේ සමාජිකයන්ගේ ආරක්ෂාව ගැන ඔබ කල්පනාවෙන් සිටින්න. අනතුර වළක්වා ගැනීම පසුතැවිලි වීමට වඩා වැදගත්ය.
හැම මොහොතෙම කල්පනා වෙන් සිටීම වැදගත්..
ආරක්ෂාව යන්නෙන් අදහස් වන්නේ අනතුරැ වළක්වා ගැනීමයි. අනතුරක් සිදු විය හැක්කේ කොහේදීද? කොයි වෙලාවේදීද? යන්න කිසිවෙකුට කල් ඇතිව කිව නොහැකිය. ඉතාම සුළු අතපසුවීමකින් හෝ ඉතාම සුළු නොසැලකිල්ලකින් අනතුරක් විය හැකිය. ඔබ ජීවත් වන නිවස තුළම වුවද හැම විටම අනතුරක් වීමේ අවදානමක් තිබෙනවා.
- ගිනි අනතුරුවලින් ආරක්ෂා වෙන්න.
නිවසේ ගිනි ඇත්තේ මුළු තැන් ගේය. ඒ හැර විදුලිය නැති නිවෙස්වල ආලෝකය ලබා ගන්නට ගිනි දල්වන්නට සිදු වේ. එවැනි නිවසක හැම තැනකම ගින්දර නිසා අනතුරු සිදු විය හැකිය. ගෑස් ලිපෙන්ද ගිනි ඇවිලිය හැකිය. දර ලිපේ කොහොමත් ඇත්තේ ගින්දරය. ගෘහනියක් ලෙස ඔබ මේ දේවල් සිදු කිරීමේදී කල්පනාකාරීව කටයුතු කළ යුතුය. අනතුරු වළක්වා ගත හැක්කේ එවිටය. - ජංගම දුරකථනයද මාරයෙකි.
අප එතරම් කල්පනා නොකළත්, ජංගම දුරකථනය යනු එදිනෙදා අප පාව්චිචි කරන විදුලි උපකරණයකි. පසු ගියදා ජංගම දුරකථනයක් පුපුරා ගියේ රෙදි වෙළෙඳ සැලකදීය. එයට හේතුව එම දුරකථනයට විදුලි ආරෝපණය වැඩි වීමයි. එසේත් නැතිනම් සරල භාෂාවෙන් කිවහොත් වැඩියෙන් චාර්ජ් කිරීමයි. ජංගම දුරකථනයේ බැටරියට විදුලි ආරෝපණය ලබා දීමට වයරය ගැසූ පසු ඒ ගැන සැලකිල්ලෙන් සිටිය යුතුය. එසේ නොවුවහොත් එහි විදුලි ආරෝපණය වැඩි වී දුරකථනයට හානි සිදු විය හැකිය. එසේත් නැතිනම් එය පුපුරා ගොස් හානියක් විය හැකිය. - පොඩි දරුවන්ට විදුලි සැර වැදීම
නිවෙස්වල විදුලි උපකරණවලින් කුඩා දරුවන්ට විදුලි සැර වැදීම මෑත කාලයේදී බහුලව සිදු වන ගෘහස්ථ අනතුරකි. එය ගෘහයේ ජීවත් වන වැඩිහිටියන්ගේ නොසැලකිල්ලෙන් සිදු වන්නකි. ඒ නිසා පොඩි දරුවන්ට ඇඟිලි ගසන්නට හැකි ලෙස විදුලි උපකරණ, විදුලි ස්විච්, විදුලි ප්ලග්, විදුල් රුහැන් නොතැබිය යුතුය. විශේෂයෙන් ජංගම දුරකථන සම්බන්ධ කරන ලද විදුලි උපකරණ පොඩි දරුවන් විසින් අත ගෑමෙන් හෝ සැපීමෙන් හෝ විදුලිය කාන්දු වන්නට පුළුවන. වැඩිහිටියෙකුට එතරම් හානියක් නොවන විදුලි සැර වැදීමකින් කුඩා දරුවෙකුට මරණය ගෙන දෙන්නට පුළුවන් බව අමතක නොකරන්න. - ගෘහයේදී වාහනවලින් අනතුරුු සිදු විය හැක.
නිවසේ ඇති යාන්ත්‍රික වාහන වන යතුරු පැදි හෝ මෝටර් රථ හෝ ත්‍රිරෝද රථ හෝ නිසා කුඩා දරුවන් අනතුරට ලක් වන අවස්ථා බොහෝය. වැඩිහිටියෙකු විසින් නිවසේ තිබෙන කුමන හෝ වාහනයක් පණ ගන්වන්නට පෙර, එය පරීක්ෂා කිරීම ඒ පිළිබඳව අවධානයෙන් සිටීම වැදගත්ය. - උණුවතුර හළා ගැනීම බොහෝ නිවෙස්වල පොදු අනතුරකි.
ඔබ නිවසේදී බොන්නට ගන්නා තේ වතුර කෝප්පය හෝ කිරි කෝප්පය හෝ කෝපි කෝප්පය හෝ ඔබට අනතුරක් ඇති කරන්නට හැකිය. කෝප්පය හදිසියේ අත හැරුණහොත් ඔබේ සිරැරේ උණු වතුර හැලෙයි. වතුර අපේ ජීවිතයට අත්‍යවශ්‍යය. එහෙත් උණු වතුර යනු පරිස්සමින් පරිහරණය කළ යුතු ද්‍රවයකි. උණු වතුර හැලී සිරුරේ සම පිලිස්සී යන්නට පුළුවන. එලෙස සම පිලිස්සුණු පසු එය නැවත තිබූ ආකාරයෙන් සැකසිය නොහැකිය. එම නිසා උණුවතුර සමග කටයුතු කිරීමේදී ඉතාමත් පරිස්සම් විය යුතුය. - බොහෙත් බෝතල් මාරු කරගන්න එපා..
ඔබේ පවුලේ විවිධ සාමාජිකයන් විවිධ රෝග සඳහා භාවිත කරන ඖෂධ වර්ග බෝතල්වල දමා රාක්කවල තිබිය හැකිය. ඒවා මාරු වීම අනතුරුදායකය. විශේෂයෙන් දරුවන් බෙහෙත් වල පාටට රසයට ආසාවෙන් එවා පානය කළ හැක. එක ලග තැබීමෙන් මාරු වීම සිදුවන්නට පුළුවන්. ඒ නිසා එම ඖෂධ බෝතල් නිසි පරිදි රාක්කවල තබා ලේබල් අලවා තබන්නට පරිස්සම් වෙන්න.
Leave feedback about this