ජලය තරම් මිනිසාගේ පැවැත්මට බලපාන්නා වු තවත් මුලික අවශ්‍යතාවයක් නොමැති තරම්ය. පෘථිවියේ 71 % ක් ජලයෙන් සමන්විත වුනත් බිලියන හතක් පමණ වු මානව ප්‍රජාව වෙනුවෙන් මෙම ජලය ප්‍රමාණවත් නොවන නිසාම අද වෙන විට ජලය සීමිත සම්පතක් බවට පත්ව ඇත. පානීිය ජලය 3% ක පමණක් වෙන නිසාම බිලියනයක් පමණ පිරිසක් ජලය නොමැත්තෙන් පිඩා විඳිති. ගෝලීයකරණය වැනි තත්වයන් හමුවේ භෞතික ලෙසින් මිනිසා සංවර්ධනය පානීය ජලය වෙනුවෙන් විකල්ප හඳුනා ගැනීමට තවමත් කිසිවෙකුත් සමර්ථව නැත. මිනිසුන් විවිධාකර වු මුහුණුවරකින් ජලයෙන් පීඩා විඳිති. මෝසම් වැසි සහිත එන ගංවතුරෙන් එක් කොටසක් ද බීමට දිය පොදක් නොමැතිව තවත් පිරිසක් ද පිඩාවට පත්ව සිටිනවා.
වතුර බොන්න පිපාසය දැනෙන්නම ඕනද..?
අපි හැම දෙනෙක්ම වතුර බොන්නේ පිපාසය දැනුනාම. එය බොරුවක් නොවෙයි. අපට පිපාසය දැනෙන්නේ සිරුරට ජලය හිඟ වුනාමයි. ඒ වෙන විට වකුගඩු, මොළය, හෘද ස්පන්දනයේ ක්‍රියාකාරීත්වය වෙනුවෙන් බලපෑම් ඇති වී අවසානයි. ඉතින් ඒ නිසා ඔබ පැය දෙකකට වරක්වත් වතුර වීදුරුවක් පානය කරන්න. ව්‍යායාම කරනවා නම් පැය බාගයකට වරක් ජලය මිලි ලීටර් 250 ක් 300 ක් පානය කරන්න.
හිස්බඩ වතුර වීදුරුවක් පානය කරන්න යැයි ඔබට ලැබෙන උපදෙස් ගැන නොසලකා සිටින්න එපා. ඔබ හිස්බඩ වතුර වීදුරුවක් පානය කළ විට පෙර දවසේ රාත්‍රියේ අනුභව ජීරණය නොවුන ආහාර කොටස් ආමාශය කරා යනවා. අපේ මුඛයෙන් හමන්නේ මේ ජීරණය නොවුන ආහාර කොටස්වල දුර්ගන්ධයයි. මේ තත්වය නිසා ඔබේ දත් පවා දිරාපත් වීමට පුළුවනි. ඒ නිසා හිස්බඩ වතුර වීදුරුවක් පානය කරන්න.
ඒ විතරක් නොවෙයි, වතුර විදුරුවක් පානය කොට දවස ආරම්භ කලොත් දවස වෙනුවෙන් අපුරු ජවයක් ලැබෙන බව පර්යේෂකයින් සඳහන් කරනවා.
වතුර බීමෙන් ඔබට ලැබෙන සෞඛ්‍ය වාසි
සෛල ක්‍රියාකාරිත්වය
අවශ්‍ය පරිදි සිරුරට ජලය නොලැබෙන විට රුධිරයේ ජලය ඇද ගැනිම නිසා රුධිරයේ ඝනත්වය බෙහෙවින් ඉහළ යෑම නිසා රුධිර සංසරණයේදි හදවත, මොළය සහ වෙනත් අත්‍යවශ්‍ය ඉන්ද්‍රියන් සඳහා ප්‍රමාණවත් රුධිරය නොලැබිම තුළ එම ඉන්ද්‍රියයන්ගේ නිරෝගිතාවයට ඇති වෙන බලපෑම ජිවිතයේ පැවැත්මට බලවත් තර්ජනයක්.
මුත්‍රා ගල් ඇති වීම
පුද්ගලයෙක් පානය කරන ජලය පිටකරන මුත්‍රා ධාරිතාවයට සමානුපාතික විය යුතුයි. සාමාන්‍යයෙන් කිලෝ ග්‍රෑම් 70 ක් බර පිරිමියෙක් නම් දිනකට මුත්‍රා ලීටර් 1.5 ක් පිට කරනවා. මුත්‍රා ගල් හැදෙන අවදානම් කාණ්ඩයට අයත් නම් මුත්‍රා ලීටර් දෙකක්වත් පිට වෙන තරමට ජලය පානය කිරීම අවශ්‍ය වෙනවා. දිනකට පානය කරන ජලය අඩු වුනොත් මුත්‍රා සාන්ද්‍රනය වැඩි වී මුත්‍රා ගල් ඇති වීමේ අවදානම ඉහළයි.
මල බද්ධය
මල බද්ධය අපේ බොහෝ රෝගාබාධ තත්වයන්ට හේතු වෙනවා. තන්තුබහුල ආහාර සමග හොඳින් ජලය පානය කිරිමෙන් ඇති වෙන මළ බුරුල් විමේ ගුණය නිසා අර්ශස්, මලබද්ධය වැනි රෝගාබාධ වලින් ආරක්ෂා වීමේ හැකියාව ලබෙනවා.
තරබාරුවට
අද බොහෝ අයට තරබාරුව මට්ටු කිරීම අපහසුයි. ආහාර පිලිබඳ ස්වයං පාලනයක් පවත්වා ගැනීමත් අපහසුයි. නමුත් යහමින් ජලය පානය කිරිම නිසා නිරන්තර දැනෙන කුසගින්නට විසඳුමක් ලැබෙනවා. ඒ නිසාම බඩ ඉල්ලන විදිහට ආහාර දීම අවශ්‍ය නැහැ. මේ තත්වය නිසා ආහාර මගින් සිරුරේ ගබඩා වෙන මේද, පිෂ්ට ප්‍රමාණය අවම විම නිසා උසට සරිලන හෙවත් ඔබගේ ශරීර ස්කන්ධ දර්ශකය ( BMI ) අගය නිවරදි අගයක පවත්වා ගැනීම පහසුයි.
සිරුරේ උෂ්ණත්වය
අද බොහෝ කාන්තාවන්ට ශරීරයේ උෂ්ණත්වය ඉහළ යෑම නිසා විවිධ අපහසුතාවයන් ඇති වෙනවා. විශේෂයෙන් දරුවන් පිළිසිඳ ගැනීමේ ගැටලු ඇති වෙනවා. නමුත් හොඳින් ජලය පානය කිරීම මගින් ශරීර උෂ්ණත්වය යහපත් මට්ටමක පවත්වා ගැනීම පහසු වෙනවා.
අස්ථිවල නීරෝගිතාවයට
ප්‍රමාණවත් පරිද්දෙන් ජලය පානය විම නිසා නව සෛල වර්ධනය වෙන නිසා අස්ථිවල නිරෝගිතාවය කිසිම අපහසුවකින් තොරව පවත්වා ගත හැකියි.අපේ සිරුරේ විශාල ජලයක් අඩංගු බව අපි දැන සිටියත්, අස්ථවල සංයුතියෙන් 50% ක් පමණ ජලය අඩංගුයි. අස්ථි නිරෝගිතාවයට මෙන්ම අස්ථි සඳහා නව සෛල නිර්මානයට ජලය අවශ්‍යයි. එබැවින් ජලය පානය සහ අස්ථි නිරෝගිතාවය අතර පවතින සම්බන්ධතාවය ඉතාම වැදගත්.
මානසික සුවතාවයට
අපේ මිනිස් සිරුරේ අභ්‍යන්තර වගේම බාහිර වශයෙන් විශාල වෙනස්කම් ඇති කරනවා. අද බොහෝ දෙනෙක් කතා කරන මානසික ආතතිය වලක්වා ගැනීමටත් හොඳින් වතුර පානය කිරීම වැදගත්.
මුත්‍රා ආසාදනවලින් ප්‍රවේසම් වීමට
ප්‍රමාණවත් පරිදි ජලය පානය කිරීම සහ හොඳින් මුත්‍රා පිට කරනවා නම් මුත්‍රා පද්ධතිය පිරිසිදු වෙනවා. ඒ නිසා වතුර හොඳින් පානය කිරීම ඉතාම වැදගත්. මුත්‍රා මාර්ගය ආශ්‍රිතව නිරන්තරව ඇති වෙන ආසාදන නිසා අනාගතයේදී මුත්‍රා පද්ධතිය වගේම වකුගඩු ආශ්‍රිත රෝග තත්වයන් ඇති වීමේ අවදානමක් තිබෙනවා.
සිරුරේ විෂ සංයෝග ඉවත් විම
ජිවින්ගේ සිරුර අභ්‍යන්තරයේ ඇති වෙන විෂ සංයෝග නිසා අතුරු රෝගාබාධයන් බොහොමයක් ඇති වෙනවා. වකුගඩු , බඩවැල් ආශ්‍රිතව තිබෙන විෂ රසායනයන් මට්ටු කිරිමට ජලය යහමින් පානය කිරිම අත්‍යවශ්‍යයි.
ගැස්ට්‍රයිටිස් රෝග තත්වයට
සිරුරේ ඇති වෙන විජලනයේ ප්‍රතිඵල ලෙසින් ආහාර ජිරණ මාර්ගයේ ඉහල පෙදෙස දැවිලි සහගත බවක් දැනෙනවා. මේ නිසා ඇති වෙන “ගැස්ට්‍රයිටිස් “ රෝග තත්වය නැති කෙනෙක් අද සොයා ගන්නත් නැති තරම්. මෙහි දරුණු බව කොතෙක්ද යත් ආමාශගත රෝග සහ තුවාල ඇතිවිම තෙක් තත්වය දරුණු හැකිය. ඒ වෙනුවෙන් වු විසඳුමක් ලෙස ප්‍රති-අම්ල පෙති වෙනුවෙන් යොමු වෙනවාට වඩා ප්‍රමාණවත් පරිදි ජලය පානය ඉතා පහසු විසඳුමක් වෙනු ඇත.
ආලේපනවලට වඩා වතුර හොඳයි
ඔබේ සම, හිස කෙස් වියලි නම් ඔබ ඒ වෙනුවෙන් විවිධ ආලේපන ගල්වනවා. ඒ වගේම රූපලාවන්‍ය උපදෙස් වෙනුවෙන් යොමු වෙනවා. නමුත් හොඳින් ජලය පානය කළොත් ඔබට ලැබෙන වාසි මෙන්න.
- නීරෝගී සමක් ලැබෙනවා
- සමේ වර්ණවත් සහ බබලන බව
- නියපොතු ශක්තිමත්
- හිස කෙස් නීිරෝගියි
එහෙමනම් සා පිපාසා දැනෙන තෙක් නොසිට ඔබට හැකි හැම විටම වතුර වීදුරුවක් පානය කිරීමෙන් ලැබෙන වාසි වගේම සිරුරට දැනෙන පහසුව, අලංකාරය ගැනත් නොසලකා ඉන්න එපා.
සටහන
පුන්‍යා චාන්දනී ද සිල්වා
