කාන්තාවන් අතර අඩි උස පාවහන් පැළඳීම පිළිබඳව තොරතුරු වාර්තා වන්නේ ඉතාලියේ කැතරින් මෙඩිසස් රැජිනගේ පටන්ය. ඇය විසින් දෙවැනි හෙන්රි රජ සමග වූ විවාහ මංගල්‍ය සිදු වෙන විට අඩි උස පාවහන් පැළඳගෙන සිටි බව වාර්තා වේ. 19 වැනි සියවස මැද භාගයේදී අඩි උස පාවහන් පැළඳගත් නිරුවත් කාන්තා ඡායාරූප හෙවත් අසභ්‍ය ප්‍රකාශන සහ තැපැල්පත් නිසා මෙම අඩි උස පාවහන් විලාසිතාව සමාජගත වීමට පටන් ගෙන ඇත.
අඩි උස පාවහන් දැමීමට අපි බොහෝ විට යොමු වෙන්නේ විලාසිතාවක් සඳහාම පමණක් නොවෙයි. එහෙමනම් අඩි උස පාවහන් පැලඳීම අපි සාධාරණ කරන හේතු කීපයක් තිබෙනවා.
- අපේ ශරීරයේ උස මදි වීම
- ඇඳුම් වල ආරක්ෂාව ( සාරි, ඔසරි වැනි දේ අඳින විට )
මේ වගේ හේතු තිබුනත් අඩි උස පාවහන් නිසා අපට ඇති වෙන සෞඛ්‍ය ගැටළු ගැනත් දැන ගෙන සිටීම වැදගත්.
අපේ පාද නිර්මාණය වෙලා තිබෙන්නේ සිරුරේ බර සමතුලිත විදිහට බෙදෙන ආකරයටයි. නමුත් අපි අඩි උස පාවහන් පළඳින විට මේ සමතුලිත බව වෙනස් වෙනවා. එවිට සිරුරේ බර පාදයේ ඇගිලි දෙසට විහිදෙනවා.
ඒ වගේම සිරුරේ මාංශ පේශි එකිනෙකට සම්බන්ධව ක්‍රියා කිරීම සිදු වෙනවා. එහෙත් අඩි උස පාවහන් නිසා මාංශ පේශි ඇදීමකට ලක් වෙන විට සිරුරේ නිවරැදි පිහිටීමත් වෙනස් වෙනවා. ඒ නිසා අපේ සිරුරේ ගුරුත්වය ඉදිරියට යොමු වෙන නිසා කුදු වීමක් ඇති වෙන්නත් පුළුවන්.
අපේ පාදයේ හැඩය පාවහන්වල හැඩයට වෙනස් වෙනවා. සිරුරේ බර දදරාගෙන සිටින්නේ පාදවල ඇඟිළි සහිත කොටසින් නිසා පාදවල වේදනාව ඇති වීමටත් අඩි උස පාවහන් පැළඳීම හේතු වෙන බව වෛiවරුන් විසින් පෙන්වා දෙනවා. ඒ විතරක් නොවෙයි, නියපොතුවලට ඇති වෙන තෙරපීම නිසාත් බැක්ටීරියා වර්දනය වෙන නිසාත් නියපොතු ආශ්‍රිත රෝගාබාධයන් වැළඳීමට තිබෙන අවස්ථාවන් ගැනත් අමතක කළ යුතු නැහැ. ඒ නිසාම පාද ඉදිමීම ඇති වෙනවා.
උදේට පාද බිම තියන්නත් බැහැ….
අපි අඩි උස පාවහන් පැළඳීම නිසා යටි පතුලේ කණ්ඩරාවලටත් යම් බලපෑමක් ඇති වෙනවා. මාංශ පේශිවල ඇති වෙන පීඩනය කොන්දට හා ශ්‍රෝණියට බලපානවා. ඒ නිසා ඇවිදින විට වගේම කශේරුකාවල වෙනස්කම් පවා ඇති වෙන්න පුළුවනි.
ප්‍රවේසම් වෙන්නට නම්…
වෛද්‍යවරුන් පෙන්වා දෙන අන්දමට අඩි උස පාවහන් අවශ්‍ය නම් හොඳම විදිහ ඔබ තෝරා ගන්නා පාවහන් යුගලයේ උස අඟල් දෙකක් පමණ වීමයි. ඒ වගේම දිගටම මෙම පාවහන් පැළඳ සිටිනවාට වඩා පැය තුන හතරක් වෙනුවෙන් එය සීමා කරන්න. ඒ වගේම නිරාවරනය වුන පාවහන් සහිතව වැලි පොළවක ඇවිදීමත් ඔබේ නීරෝගීතාවයට හේතු වෙනා. පොළවේ නිරාවරනය පාද ගැටෙන විට සියුම් රුධිරවාහිනී උත්තේජනය වී හොඳින් රුධිරසංසරනය සිදු වෙනවා. මේ නිසා නීරෝගීබව ඇරක්ෂා කර ගැනීම අපි හිතන තරම් ගැටළුවක් බවට පත් වෙන්නේ නැහැ.
අලංකාරයට අඳින්න පළඳින්න කැමැති අපි අපේ රෝගිබවත් රැකගෙන ලස්සනට ඉන්න නම් කළ යුත්තේ කුමක්ද..?
- ඔබ තෝරා ගන්නා පාවහන්වල අඩිය අඩු උසකින් යුක්ත වීම
- පැතැලි සපත්තු තෝරා ගන්න.
- පාදයට දැනෙන විඩාව වලක්වා ගැනීමට නම් මද උණුසුම් ලුණු සහිත ජලයේ විනාඩි 20 ක් පමණ පාද තබා ගන්න.
එහෙමනම් ඔබ යමක් කරනවා නම් ඒ ගැන දෙවතාවක් හිතන්න අවශ්‍ය බැව් දැන් ඔබට හිතෙනවා ඇති.
Leave feedback about this