කාන්තාවන්ගේ තරබාරුවට හේතු දැන සිටියාද?

කාන්තාවක් යනු බොහොම සිහින් සුන්දර රූ සපුවක හිමිකාරිය විදිහට අපේ හිතේ සංකල්ප රූප මැවුනත් විවිධ හේතුන් නිසා කාන්තාවන් තරබාරු බවට පත් වීමට පුළුවනි. බාහිර රුපයට පමණක් නොව ඇගේ ශරීරයේ ස්වභාවය නිසා විවිධ රෝගාබාධයන් පවා ඇති වෙනවා. පවුලක් තුළ බිරිඳක… මවක විදිහට වැදගත් මෙහෙයක් ඉටු කරන කාන්තාවක් තමන්ගේ සිරුර තැන නොසලකා, නොසොයා සිටියොත් ඇය අකාලයේම රෝගී වීමටත් පුළුවන්. මේ නිසාම ව්‍යායාම යනු කාන්තාවන්ගේ ජීවිතයටත් ඉතා වැදගත් වගේම දිනචරියාවේ කොටසක් බවට පත් කළ ගත යුතු තත්වයක්.

කාන්තාවක් තරබාරු වීමට හේතු මොනවාද?

• ජාන බලපෑම
• Cushing Syndrome
• Acromelogy වර්ධක හෝර්මෝන වැඩි වීම (ඇන්ඩ්‍රජන් හෝර්මෝනයේ බලපෑම)
• ආාහර රටාව ආහාර රටාව නිසාත් අනවශ්‍ය අන්දමින් ගබඩා කරන මේද දහනය වෙනුවෙනුත් ව්‍යායාම අවශ්‍ය්‍යි. ඒ නිසාම අද වන විට පිරිමි පක්ෂය වගේම කාන්තාවන්ද ක්‍රිඩා සහ ව්‍යායාමවල නිරත වීමේ ප්‍රවනතාවයක් ඇති වී තිබෙනවා.
• PCOD Polycystic Ovarian Disease (PCOD) රෝග තත්වය

ඉහතින් දක්වන ලද විවිධ හේතු නිසා කාන්තාවක් තරබාරු බවට පත් වීමට ඉඩ තිබෙනවා. නමුත් ඇය තරබාරුව සමග ජීවත් විය යුතු නැහැ.

ඒ වගේම කාන්තාවන් ලස්සනට ඉන්න වැඩි කැමැත්තක් දක්වනවා. වයසත් සමග ඔවුන්ගේ ශරීරයේ හැඩය ගැනත් දක්වන උනන්දුව නිසා ජිම් යෑම, සුම්බා වැනි නර්තනවල යෙදීම වගේම ක්‍රිඩා කිරීමට බෙහෙවින් උනන්දුවක් දක්වනවා. පිරිමින්ට සාපේක්ෂව බලන විට කාන්තාවගේ ශාරීරික සහ මානසික ක්‍රියාකාරීත්වයේ යම් යම් වෙනස්කම් තිබෙනවා. පිරිමින්ට සමානj බැලුවොත් කාන්තාවකගේ මාංශ පේශි ප්‍රමාණය සහ විශාලත්වය අඩුයි. ටෙස්ටොස්ටෙරොන් හෝර්මෝනය ශරීරයේ මාංශපේශි වර්ධනයට හේතු වෙනවා. පිරිමින්ගේ මෙම හෝර්මෝන මට්ටම ඉහලින් ඇති අතර කාන්තාවන්ගේ ටෙස්ටොස්ටෙරොන් හෝර්මෝන මට්ටම ඉතාම අල්පයි. ඒ නිසා කාන්තාවන්ගේ ශරීරයේ මාංශ පේශි ප්‍රමාණය සහ විශාලත්වය අඩුයි. ව්‍යායාම කිරීමේදී මේ වෙනසත් බලපානවා.

කාන්තාවකට ව්‍යායාම මගින් ලැබෙන වාසි මොනවාද?

• දෛනික ජීවිතයේ සිදු කරන ව්‍යායාම මගින් අපට ලැබෙන වාසි බොහොමයක් තිබෙනවා.
• ශරීර ස්කන්ධ දර්ශකය පවත්වා ගැනීම (Body Mass index)
• ශරීරයේ හැඩය පවත්වා ගැනීම
• හෘදරෝග, දියවැඩියාව සහ රුධිරගත කොලස්ටරෝල් මට්ටම මනාව පාලනය කර ගැනීම
• ආහාර ජීරණ ක්‍රියාවලිය මෙන්ම ශරීරයේ පරිවෘත්තික ක්‍රියාවලිය යහපත් තත්වයක තබා ගැනීම
• රුධිරය පිරිසිදු කිරීම සහ ශ්වසන පද්ධතියේ ක්‍රියාකාරීත්වය යහපත් වීම

කාන්තාවන්ට සුදුසු ව්‍යායාම මොනවාද..?

• ඇවිදීම – කාන්තාවකට ඉතා පහසුවෙන් කළ හැකි ව්‍යායාමයක්. ඇවිදිම වැනි ව්‍යායාම මගින් ඔබට කිසිදු අතුරු අන්තරාවක් ඇති වෙන්නේ නැහැ. ඇමරිකා එක්සත් ජනපදයේ ආරක්ෂිත වෛද්‍ය ප්‍රතිකාර පිලිබඳ විශේෂඥ වෛද්‍ය ජොආන් මැක්සන් පවසන්නේ දිනකට මිනිත්තු තිහක්වක් ප්‍රාණවත් ලෙසින් කඩිසරව ඇවිදිනවා නම් හෘදයාබාධ රෝග තත්වයෙන් 30% ක පමණ නිදහසක් ලැබිය හැකි බවත් දිනකට එක් වතාවකදි මිනිත්තු දහය බැගින් තුන්වතාවක් හෝ හතර වතාවක් ඇවිදිමෙන් ඔබ නොසිතන තරම් සෞඛ්‍යමය වාසි ලබා ගැනිමේ හැකියාව ලැබෙන බවත්ය.
• පිහිනීම
• පපුව එල්ලා වැටීම වෙනුවෙන් breast fitting bra එකක් ඇඳීම
• තට්ටම් වල මේද තැන්පත් වී තිබෙනවා නම් ක්වායු ව්‍යායාම, සුම්බා වැනි ව්‍යායාම සුදුසුයි.
• Flying fix වැනි ව්‍යායාම
• මේද දහනය වෙනුවෙන් වන ව්‍යායාම ඉතාම සුදුසුයි.

ඒ නිසා බොහෝ කාන්තාවන් තමන්ගේ දවසේ කාර්යබහුල බව කියමින් ව්‍යායාම මග හැරීම සුදුසු නැති බැව් දැන් ඔබට වැටහෙනවා ඇති.

සටහන

පුන්‍යා චාන්දනී ද සිල්වා