ඕනෑම ව්‍යාපාරයක් හෝ වෘත්තීය ගමනක් සාර්ථක කර ගැනීමට නම්, අවශ්‍ය වන්නේ හොඳ අදහසක් සහ වෙහෙස මහන්සි වී වැඩ කිරීම පමණක් නොවේ. ඒ සඳහා සවියක් ලබා දෙන නිවැරදි මානසික, කුසලතාමය සහ බාහිර වටපිටාවක් නිර්මාණය කර ගැනීම ද අත්‍යවශ්‍ය වේ. මෙම වටපිටාව ඔබට අභියෝග හමුවේ නොසැලී සිටීමටත්, අඛණ්ඩව වර්ධනය වීමටත්, අවසානයේ සාර්ථකත්වය අත්පත් කර ගැනීමටත් උපකාරී වේ.
ව්‍යාපාරයක සාර්ථකත්වය අභ්‍යන්තරව ආරම්භ වේ. අභියෝගාත්මක අවස්ථාවලදී ඔබව ඉදිරියට ගෙන යාමට හැකි වන පරිදි ඔබේ මනස පුහුණු කිරීම ඉතා වැදගත්ය.
නිසි මානසිකත්වය වර්ධනය කරගත යුතු අතරම එනම් වෙහෙස මහන්සි වී වැඩ කිරීම, ඉගෙනීම සහ කැපවීම තුළින් දියුණු කළ හැකි බව විශ්වාස කළ යුතුය. අපි අපේ, අසාර්ථකත්වය දැකිය යුතුය. අසාර්ථක වීම යනු ගමනේ අවසානය නොව, වැදගත් පාඩමක් ඉගෙන ගැනීමට ලැබෙන අවස්ථාවක් ලෙස සලකන්න. අසාර්ථක වීමෙන් පසු නැවත නැඟිටින්නට සහ උගත් පාඩම් යොදා ගෙන නැවත උත්සාහ කරන්නට ඇති ශක්තිය නිසි මානසිකත්වය තුළින් ලැබේ. එසේම අපි, අපට මුහුණ දීමට සිදුවන අභියෝගවලට ආදරය කළ යුතුය. පහසු දේ පමණක් කිරීමෙන් වැළකී අසීරුතා ජය ගැනීම තුළින්ම ඔබේ කුසලතා සහ විශ්වාසය වර්ධනය වන බව මතක තබා ගන්න.
ව්‍යාපාරික ජීවිතය උස් පහත් වීම්වලින් පිරී ඇත. ආතතිය සහ අවිනිශ්චිතභාවය සාමාන්‍ය දෙයක් බව වටහාගෙන එයට මුහුණ දීමේ හැකියාව එනම් ඔරොත්තු දීමේ හැකියාව වර්ධනය කර ගත යුතුය. වෙළඳපොළේ හෝ තාක්ෂණයේ වෙනස්කම් හමුවේ ඉක්මනින් අනුවර්තනය වීමේ හැකියාව වර්ධනය කරගනිමින් දැඩි ලෙස එක් සැලැස්මකටම ඇලී සිටීම වෙනුවට, අවශ්‍ය වූ විට දිශානතිය වෙනස් කිරීමට සූදානම් වන අතරේ මානසික සහ ශාරීරික විවේකය අත්‍යවශ්‍ය බවද තරයේ සිහි තබා ගත යුතුය. නිසි විවේකයක් ගැනීමෙන් තීරණ ගැනීමේ හැකියාව සහ නිර්මාණශීලීත්වය වැඩි දියුණු වේ.
වෘත්තීය ගමනේදී වේගයෙන් ඉදිරියට යාමට උපකාර වන ප්‍රායෝගික කුසලතා සහ වැඩ කිරීමේ රටාවන් වර්ධනය කරගැනීම අත්‍යවශ්‍ය වේ. වැඩ ගොඩවල් අතරින් වඩාත්ම වැදගත් දේ තෝරා ගැනීමට ඉගෙන ගැනීම සාර්ථකත්වයට මග පෙන්වයි. සැමවිටම වැදගත්ම දේට මුල් තැන දිය යුතුය. එනම් හදිසි සහ වැදගත් දේ වෙන්කර හඳුනා ඔබේ ඉලක්ක කරා ඔබව ගෙන යන කාර්යයන් සඳහා වැඩි කාලයක් වෙන් කරන්න. සියලුම වැඩ තනිව කිරීමට උත්සාහ නොකරන්න. ඔබට වඩාත් හොඳින් කළ හැකි දේට පමණක් අවධානය යොමු කර, අනෙකුත් කාර්යයන් විශ්වාසවන්ත පුද්ගලයන්ට පැවරීමට ඉගෙන ගන්න.
ව්‍යාපාරයකදී සන්නිවේදනය යනු හුදෙක් කතා කිරීම පමණක් නොවේ. එය ඇසීම, පැහැදිලි බව සහ බලපෑම් කිරීම ඇතුළත් සංකීර්ණ ක්‍රියාවලියකි. සැමවිටම හොඳින් සවන් දෙන්න. සේවකයන්ට, ගනුදෙනුකරුවන්ට සහ හවුල්කරුවන්ට අවංකවම සවන් දෙන්න. මෙය විශ්වාසය ගොඩනඟන අතර, ගැටලු ඉක්මනින් හඳුනා ගැනීමට උපකාරී වේ. ඔබගේ දැක්ම, උපදෙස් සහ අපේක්ෂාවන් සැමවිටම පැහැදිලිව සහ නිශ්චිතව සන්නිවේදනය කරන්න. වැරදි අර්ථකථන නිසා ව්‍යාපාරික කටයුතු ප්‍රමාද වීම වළක්වා ගන්න.
ව්‍යාපාරික ක්ෂේත්‍රය නිරන්තරයෙන් වෙනස් වේ. ඔබේ දැනුම අලුත් නොකළහොත් ඔබ පසුපසට යනු ඇත. ඔබේ ක්ෂේත්‍රයට අදාළ නවතම ප්‍රවණතා, පොත්පත් සහ පර්යේෂණ කියවීමට දිනපතා කාලය වෙන් කරන්න. එනම් දෛනිකව ඔබේ දැනුම යාවත්කාලීන කරගන්න. නව තාක්ෂණික මෙවලම් (AI, Digital Marketing) සහ කළමනාකරණ ශිල්පක්‍රම පිළිබඳ පාඨමාලා හැදෑරීමෙන් ඔබේ වෘත්තීය වටිනාකම වැඩි කරගන්න.
ඔබට තනිවම සාර්ථක විය නොහැක. සාර්ථකත්වයට යන ගමනට ආධාර කරන ශක්තිමත් බාහිර වටපිටාවක් නිර්මාණය කරගැනීම අත්‍යවශ්‍ය වේ.
ශක්තිමත් ජාලයක් නිර්මාණය කිරීම ඒ සඳහා අත්‍යවශ්‍ය වන අතරම ව්‍යාපාරික ජාලයක් යනු අනාගත ගනුදෙනුකරුවන් හෝ හවුල්කරුවන් පමණක් නොවේ. එය සහයෝගය, අදහස් සහ අවස්ථා බෙදා හදා ගන්නා පරිසරයකි. ඔබේ කර්මාන්තයේ හෝ වෙනත් ක්ෂේත්‍රවල සිටින සමාන අරමුණු ඇති ව්‍යාපාරිකයන් සමඟ සම්බන්ධ වන්න. ඔවුන්ගේ අත්දැකීම්වලින් පාඩම් ඉගෙන ගැනීම ඔබට වඩා ඉදිරියෙන් සිටින, ඔබේ ක්ෂේත්‍රයේ අත්දැකීම් ඇති උපදේශකයෙකු සොයා ගැනීම තුළින් ඔවුන්ගේ මඟ පෙන්වීම් ඔබගේ කාලය සහ මුදල් ඉතිරි කර දෙනු ඇත
තවද ඔබේ භෞතික පරිසරය ඔබේ කාර්යයන් සඳහා සෘජුවම බලපාන බව මතක තබා ගත යුතුය. ඒ සඳහා වැඩ කරන ස්ථානය අනවශ්‍ය බාධා කිරීම්වලින් තොරව සන්සුන්ව තබා ගැනීමත් පැහැදිලි හා සංවිධානාත්මකව වැඩ කටයුතු කරන ස්ථානයක් වෙන්කර ගැනීම මෙන්ම ඔබ නිවසේදී වැඩ කරන්නේ නම්, වැඩ කරන කාලය සහ පෞද්ගලික කාලය වෙන්කර හඳුනා ගැනීමට සීමා තබා ගන්න.
ව්‍යාපාරික දිවියට සවියක් වන්නේ ක්ෂණික විසඳුම් හෝ මැජික් සූත්‍ර නොවේ. එය දිනෙන් දින ගොඩනඟන ලද මානසික ශක්තිය, ප්‍රායෝගික කුසලතා සහ සහයෝගය වැනි සාධකයන්ගේ එකතුවකි.
මෙම අභ්‍යන්තර සහ බාහිර වටපිටාවන් ස්ථිරව සකස් කර ගැනීම තුළින්, ඔබට එදිනෙදා අභියෝග පහසුවෙන් ජය ගත හැකි අතර, වෘත්තීය සාර්ථකත්වයේ ඊළඟ මට්ටමට යාමට අවශ්‍ය ස්ථාවරත්වය සහ ශක්තිය නිසැකවම ලැබෙනු ඇත.
Leave feedback about this