ලිලී වර්ගයට අයත් කොමාරිකා ශාකය බාහිරව ආලේප කිරීමට මෙන්ම ඖෂධයක් ලෙසද පාවිච්චි කළ හැකි ඉතා අපූර්ව ශාකයකි. අවුරුදු 5000 ක පමණ ඉතිහාසයක පටන් මිනිසා පරිභෝජනය කරන මෙම ශාකය විටමින්, ඛනිජ, ඇමයිනෝ අම්ල හා එන්සයිම වැනි ක්‍රියාකාරී සංඝටක 200 කින් පමණ සමන්විතය.
- කැල්සියම් – මැග්නීසියම් – සින්ක් – සෙලිනියම් – සෝඩියම් – යකඩ – පොටෑසියම් – කොපර් හා මැංගනීස් මෙන්ම විටමින් A, C, E, ෆෝලික් අම්ලය, B1, B2, B3, B6, විටමින් B12 සහිතයි.
- මිනිස් සිරුරට අත්‍යවශ්‍ය ඇමයිනෝ අම්ල වර්ග 08 අතරින් සියලුම වර්ග ද අනෙකුත් වර්ග 18 -20 අතර ප්‍රමාණයක්ද සතුය.
- රුධිරයෙහි මේද අඩු කරන ආසත්මිකතා අඩු කරන අම්ල වර්ග අඩංගුය.
- ශරීරයට බාහිරව ඇතිවන අහිතකර තත්ත්වයන්ට මුහුණ දීමේ හැකියාව වැඩි කරයි.
- ආහාර ජීරණ පද්ධතියේ ක්‍රියාකාරිත්වය යහපත් කරන අතර අහිතකර බැක්ටීරියා හා පණුවන් මර්දනය කරයි. මල බද්ධය දුරු කරයි.
- අනෙකුත් මුහුදු පැලෑටි මෙන්ම කෝමාරිකා ආහාරයට ගැනීම මගින් ශරීරයේ විෂ ඉවත්වීම නිසා පිරිසිදු භාවයට පත් වේ.
- හෘද රෝග අවධානම අඩු කරයි.
- සුදු රුධිරාණු ක්‍රියාකාරීත්වයට හිතකර බලපෑම් එල්ල කරමින් ශරීරයේ ප්‍රතිශක්තිකරණය ශක්තිමත් කරයි.
- පිළිස්සීම සිරීම් හා චර්ම රෝග සුවපත් කිරීමට සම මතුපිට ආලේප කළ හැකි අතර වේදනා සමනය කරයි.
- සමෙහි නම්‍යශීලී බව වර්ධනය කරන අතර රුධිර ගමනාගමනය යහපත් කරමින් සමෙහි සෞම්‍ය බව පෙන්වයි.
- විෂබීජ නාශකයක් ලෙස ක්‍රියා කරයි
- හන්දි වල ඇතිවන ඉදිමුම් තද ගතිය හා වේදනා සමනය කරයි.
- මෙය ඖෂධීය පැලෑටියක් නිසා දිනපතා පාවිච්චිය හෝ අධික භාවිතය ශරීරයට අහිතකර විය හැකියි.
Leave feedback about this