ළදරුවන් සඳහා අවශ්‍ය ඇඳ ඇතිරිල්ලක් මහමු

ළදරුවන් සඳහා අවශ්‍ය ඇඳ ඇතිරිල්ලක් (කොට් ෂීට්) ඇතුලු කොට්ට උර කට්ටලය මසා ගන්නා ආකාරය පිළිබඳව ඔබව දැනුවත් කරන්න සූදානම්.
දරුවන් සඳහා කරන නිර්මාණවල දී කුඩා දරුවාගේ ශරීරයට සුවදායී වන ආකාරයට එනම් දරුවාගේ ඇඟට පහසු, දහඩිය උරා ගන්නා රෙදි වර්ගයක් තෝරා ගත යුතුය. එහිදී මල් පීස් පොප්ලින්, පැනල් වැනි රෙදි වඩාත් යෝග්‍ය වේ.

කොට්ට උර කට්ටලය

කොට්ට උර කට්ටලය මැසීමේ දී කැමති ආකාරයට තනි පැහැති රෙදි හෝ මුද්‍රිත රෙදි භාවිත කළ හැක. තවද කැමති ආකාරය තනි පැහැති රෙද්දට ඇප්ලික් මෝස්තර, එම්බ්‍රෝයිඩර් මෝස්තර යෙදිය හැකිය.

දෙපැත්තට තබන කොට්ට උරය සඳහා

ඉහත කොට්ට උරය මැසීමේ දී 3 1/2’’ ලකුණු කරගත් තැනට ඇතුල් පැත්තෙන් (කනපිට පැත්තෙන්) ඉලාස්ටික් එකක් රිංගවිය හැකි ආකාරයට පටියක් තබා මසා ගන්න. නැතිනම් හීනියට පටියක් මසා රිංගවීම ද කළ හැකිය. පටිය මැසූ පසු මූට්ටුව මසා ගන්න. මෙහි දෙපැත්තට රැළි පටිය ඇල්ලිය යුතු අතර රැළි පටිය ඇල්ලීමට පෙර හීනියට වාටිය මසා ගන්න.

ඇතුලත කොට්ටය සඳහා

20” X 20” කොටුවක් කපා ගන්න. විෂ්කම්භය 6” වන රවුම් දෙකක් කපා ගන්න. කොටුව එක් පසක් මූට්ටු කර කපා ගත් රවුම් දෙක දෙපසට තබා මසා ගන්න. පුඵන් පිරවීම සඳහා විවරයක් තබා ගන්න. පුඵන් පිරවූ පසු විවිරය මසා ගන්න.

හඳ පලුව කොට්ට උරය

ඉදිරිපස ප`ඵව

ඉදිරිපස පලුව සඳහා 15” X 12” ප්‍රමාණයේ රෙදි කැබැල්ලක් ගෙන රූපයේ දක්වා ඇති ආකාරයට මැද ලකුණු කර කවාකාර හැඩය ඇඳ ගන්න.
පෙර පරිදි මෙහිද කොටට් උරයේ වටේ ප්‍රමාණය එනම් පහළ පැත්ත හැර අනෙක් ප්‍රමාණය මෙන් දෙගුණයක් දිග 1 ½” ක් පළල පටියක් හෝ රේන්දයක් යොදා ගත හැක.

පිටුපස පලුව

පිටුපස පලුව ඇඳීමේදී ඉදිරියට 1 ½” ක් තබා ඉදිරිපස පලුව දෙකට නමා 1 ½” ක් ගත් තැන සිට තබා කවාකාර හැඩය ඇඳගන්න. මේ සඳහා පලු 2ක් අවශ්‍යයි.

සාමාන්‍ය ළදරු කොට්ට උරය

රැළි පටිය සඳහා 1 ½’’ පළල කොට්ට උරයේ වටේ ප්‍රමාණය මෙන් දෙගුණයක් දිග පටියක් ගන්න. මේ සඳහා රේන්දයක් යොදා ගැනීමෙන් වඩා අලංකාරයක් ලබා දිය හැකිය.

පිටුපස පලුව

පිටුපස සඳහා පලු දෙකට ගන්න. එහි විවරය සඳහා 1 ½” තබන්න.

කොට් ෂීට් එක

මෙය මැසීම සඳහා මුද්‍රිත රෙදි හෝ තනි පැහැ රෙදි භාවිත කළ හැකිය. මේ සඳහා ¼ ” ඝණකම් පැඩින් අවශ්‍ය වේ.

පළල පැති වලින් 4½” ක්ද දිග පැති වලින් 3” ක් ද ඇතුලට ලකුණු කර ඉන්පසු එම වට ප්‍රමාණය මෙන් දෙගුණයක් දිග 3 ½” ක් පළල පටියක් රැලි කරමින් වටේට අල්ලා ගන්න. ඉන්පසු පැඩින් ෂීට් කොටස ඒ මත තබා නූලක් ඇද ගන්න. අනෙක් ප`ඵව ඒ මත තබා වටේට මසා අනිත් පස හැරවීම සඳහා ඉඩ ප්‍රමාණයක් ගබා ගන්න. මසා නිම වූ පසු අනෙක් පස හරවා ඉඩ තැබූ තැන මසා ගන්න.

දැනුවත් කිරීම

මැහුම් උපෙද්ශිකා,
කේ ඒ ටී ලක්මාලී

සටහන

admin