අපගේදෙමාපියන් තම දරුවන්ගේ ජීවිතය හැඩගස්වන ප්‍රධානතම පුද්ගලයින් වේ. ඔවුන්ගේ වගකීම් ඇතුළත ළමා අධ්‍යාපනය, ආරක්ෂාව, සමාජගත කිරීම හා ඵලදායී අනාගතයක් උදෙසා මඟ පෙන්වීම ඇතුළත් වේ. නමුත්, මෙය යථාර්ථයෙන් ක්‍රියාවට නැංවීමට දරුවන් සම්බන්ධ නීති සහ විධිවිධාන පිළිබඳව මනා දැනුමක් දෙමාපියන් සතු වී ඉතාම වැදගත් වේ. රටේ පවතින ළමා නීති පිළිබඳව දෙමාපියන් තුළ වූ නොදැනුවත් බව නිසාම මව්පියන් නොදැනුවත්වම තම දරුවන්ට හානිදායක තත්ත්වයන් උදා වන අවස්ථා ඕනෑ තරම් දැකගත හැක. එබැවින්, දෙමාපියන් දරුවන්ට අදාළ නීති, නියෝග හා ආරක්ෂක ක්‍රම පිළිබඳව හදාරා තේරුම් ගැනීම අත්‍යවශ්‍ය වේ. මෙය ඔවුන්ට තම දරුවන්ගේ අයිතිවාසිකම් ආරක්ෂා කර ගැනීමට වගේම ආරක්ෂිත ජීවිතයකට මඟ පිළිබඳව උපදෙස් ලබාදීමට උපකාරී වේ.
ළමා අයිතිවාසිකම් සුරක්ෂිත කිරීමට බොහෝ රටවල විශේෂ නීති පනවා ඇත. එක්සත් ජාතීන්ගේ ළමා අයිතිවාසිකම් සම්මුතිය (UNCRC) අනුව සෑම දරුවෙකුටම අධ්‍යාපනය, සෞඛ්‍ය සේවා, ආරක්ෂාව, හා නිදහස ඇතුළුව බොහෝ අයිතිවාසිකම් හිමි වේ.
උදාහරණයක් ලෙස තමාගේ දරුවා පාසල් නොයැවීම නීතිවිරෝධී ක්‍රියාවකි. බොහෝ රටවල නීති අනුව අනිවාර්යෙන්ම දරුවන්ට අධ්‍යාපනය ලබාදිය යුතුය. මෙය නොකළහොත්, දෙමාපියන්ට දඩ මුදල් ගෙවීමට පවා සිදුවන පරිදි රටවල්වල නීතිරීති සකස් වී ඇත.
තවත් උදාහරණයක් ලෙස ළමා කම්කරු සේවය නීතිවිරෝධී ක්‍රියාවක් ලෙස සැලකේ. එක්සත් ජාතීන්ගේ ළමා ප්‍රඥප්තියට අනුව 18න් පහළ දරුවන් ශාරීරික හා මානසික වශයෙන් බලපෑමට ලක් කරන සේවයක යෙදවිය නොහැක.
දරුවන් ඔවුන්ගේ ශාරීරික හෝ මානසික වර්ධනයට හානි කළ හැකි සේවාවන්වල යෙදවීම තහනම් බවත් ඒ හා සම්බන්ධ නීති පිළිබඳවත් දෙමාපියන් දැනුවත් විය යුතුය. මෙම නීති මඟින් රැකියාව සඳහා අවම වයස, අවසර ලත් කාර්යභාරය සහ දරුවන්ට වැඩ කළ හැකි පැය ගණන නියම කරයි.
දරුවන්ට එරෙහි ශාරීරික, මානසික, හා ලිංගික හිංසනය වැළැක්වීම සඳහා විශේෂ නීති සහ ආරක්ෂක ක්‍රම පවත්වා ඇත. උදාහරණ ලෙස දරුවන්ට පහරදීම සහ නිරන්තරයෙන් අපහාස කිරීම ඔවුන්ගේ මානසික සංවර්ධනයට බාධාවක් වේ. බොහෝ රටවල ළමා හිංසනය වැළැක්වීම සඳහා නීති ක්‍රියාත්මක වේ. දෙමාපියන් දරුවන්ගේ හැසිරීමේ ගැටළු විසඳීමේදී දඬුවම් කිරීමට වඩා ආදරය සහ නිවැරදි උපදෙස් භාවිත කළ යුතුය.
දරුවන්ගේ ආරක්ෂාව තහවුරු කිරීම දෙමාපියන්ගේ ප්‍රධාන වගකීමකි. ඔවුන් නිවසේ, පාසල හා සමාජයේ ආරක්ෂිතව සිටිය යුතුය. උදාහරණයක් ලෙස දරුවන් නඩත්තු කිරීමට නොහැකි දෙමාපියන් ඔවුන්ව දියුණුවන පරිසරයක සිටීමට පහසුකම් සැලසිය යුතුය. ඇතැම් රටවල, දෙමාපියන් දරුවන්ට නිසි පෝෂණය, අධ්‍යාපනය හා ආරක්ෂාව ලබා නොදුන් හොත් රජය ඔවුන්ව රාජ්‍ය සුරක්ෂිත මධ්‍යස්ථාන වෙත යොමු කරනු ඇත. ළමා හිංසනය හා අපයෝජනය වැළැක්විය යුතුය.
අධ්‍යාපනය ලැබීම යනු සෑම දරුවෙකුගේම මූලික අයිතියකි. රජය විසින් බොහෝ රටවල දරුවන්ට නොමිලේ අධ්‍යාපනය ලබාදීමේ ක්‍රමයක් ක්‍රියාත්මක කරයි. බොහෝ රටවල්වල දරුවන්ට නොමිලේ අධ්‍යාපන පහසුකම් සලසා දෙයි.
බොහෝ රටවල දරුවන්ට පාසල් යාමට නීතියෙන් නියම කර ඇත. අධ්‍යාපනයට අදාළ රෙගුලාසි පිළිබඳව දැනුවත් වීම මගින් දරුවන්ට අධ්‍යාපනය සඳහා ඇති අයිතිය මගනොහැරෙන අතරම තම දරුවාට සුදුසු පාසල් අධ්‍යාපනයක් ලැබෙන බව සහතික කිරීමට දෙමාපියන්ට ඔවුන්ගේ යුතුකම ඉටු කිරීමට උපකාර වනු ඇත.
එසේම විශේෂ අවශ්‍යතා සහිත දරුවන් එනම් යම් දරුවෙකුට විශේෂ අධ්‍යාපනික හෝ සංවර්ධන අවශ්‍යතා තිබේ නම්, නොමිලේ සහ සුදුසු රාජ්‍ය අධ්‍යාපනයක් ලබා ගැනීමට ඔවුන්ගේ අයිතිවාසිකම් ආරක්ෂා කරන නීති පද්ධතිය පිළිබඳව මව්පියන් දැනුවත්ව සිටීම ඉතාම වැදගත් වේ. මන්ද අධ්‍යාපන පද්ධතිය තුළ තම දරුවන්ගේ අවශ්‍යතා වෙනුවෙන් පෙනී සිටීමට දෙමාපියන් මෙම නීති අවබෝධ කරගත යුතුය.
ප්‍රතිශක්තිකරණ, වෛද්‍ය ප්‍රතිකාර සහ මානසික සෞඛ්‍ය සේවා ඇතුළු සෞඛ්‍ය සේවා දරුවන්ට ලබා දෙන අතරම තම දරුවන්ට නිසි සෞඛ්‍ය සේවාවක් ලබා දීම සහතික කිරීම සඳහා ළමා සෞඛ්‍ය රක්‍ෂණ වැඩසටහන් වැනි මහජන සෞඛ්‍ය වැඩසටහන් පිළිබඳව දෙමාපියන් දැන සිටිය යුතුය. දරුවන්ට අත්‍යවශ්‍ය සෞඛ්‍ය සහ පෝෂණය සැලසීම අනිවාර්ය කරුණකි.
අතිරේක පෝෂණ ආධාර වැඩසටහන් මගින් හෝ නොමිලේ පාසල් දිවා ආහාර වැනි පෝෂණ වැඩසටහන් ද අඩු ආදායම්ලාභී පවුල්වල දරුවන්ට හෝ ප්‍රතිලාභ හිමි විය යුතුය. මෙම සේවාවන් මගින් පවුල්වල මූල්‍ය පීඩනය ලිහිල් කළ හැකි අතර දරුවන්ගේ මූලික අවශ්‍යතා සපුරාලීම ද සිදු වන අතර දරුවන්ට නිසි පෝෂණයක්ද හිමි වනු ඇත. එය දරුවන්ගේ අයිතිවාසිකමකි.
විනය සහ ළමා අයිතිවාසිකම්
දෙමාපියන් නිසි විනයක් සහිතව තම ජීවිතය ගත කළ යුතු අතරම කිසිවිටෙකත් තම දරුවාගේ අයිතිවාසිකම් උල්ලංඝනය නොකර හෝ නීතිමය සීමාවන් ඉක්ම නොයා සිටිය යුතුය.
අපයෝජන සහ නොසලකා හැරීම් වලින් දරුවන් ආරක්ෂා කිරීම සඳහා රෙගුලාසි පවතී. නීතිය යටතේ අපයෝජනය සහ නොසලකා හැරීම යනු කුමක්ද සහ ගැටළු වාර්තා කරන්නේ කෙසේද යන්න පිළිබඳව දෙමාපියන් දැනුවත් විය යුතුය. මෙම දැනුමෙන් තම දරුවන්ට සෞඛ්‍ය සම්පන්න, අපයෝජනයෙන් තොර පරිසරයක් නිර්මාණය කිරීමට දෙමාපියන්ට හැකියාව ලැබේ.
වර්තමානයේදී අධ්‍යාපන කටයුතුවලදී දරුවන්ට අන්තර්ජාලය භාවිතය අනිවාර්ය අංගයක් වී ඇත. නමුත් ඔවුන් අන්තර්ජාලය ඔස්සේ විවිධ තර්ජන වලට මුහුණපායි. දරුවන් සමාජ මාධ්‍ය ඔස්සේ නොදන්නා පුද්ගලයින් සමඟ සම්බන්ධ වීම විශාල අවදානමක් වන අතරම ඔවුන් අන්‍යයන් විසින් විවිධ අපහසු තත්වයන්ට ලක් විය හැක. එබැවින්, දෙමාපියන් අන්තර්ජාල භාවිතය පිළිබඳව දරුවන්ට මඟ පෙන්විය යුතුය. එසේ නොවන්නේ නම්, ඔවුන් නීතිවිරෝධී ක්‍රියාවන්ට වුවද හසු විය හැක. සැමවිටම අපේ දරුවන්ට යහපත් සමාජයක වර්ධනය වීමට උපකාරී විය යුතුය.
දෙමාපියන් තම දරුවන්ගේ නීත්‍යානුකූල ආරක්ෂාව වෙනුවෙන් ඉටු කළ යුතු වගකීම් පිළිබඳව විශේෂයෙන් සැලකිලිමත් විය යුතුය. එසේම ළමා නීති පිළිබඳව හදාරා දැනුවත් විය යුතුය. මෙය ඔවුන්ට දරුවන්ගේ අයිතිවාසිකම් ආරක්ෂා කිරීම, ඔවුන්ට යහපත් අනාගතයක් සැලසීම හා නීතිවිරෝධී ක්‍රියාවන් වලට යොමු වීම වැලැක්වීම සඳහා බොහෝ සෙයින් වැදගත් වේ. එබැවින්, දෙමාපියන් තම වගකීම් ඉටුකර දරුවන්ට ආදර්ශමත් ආරක්ෂිත පරිසරයක් සැලසිය යුතුය.
දෙමව්පියන් වශයෙන් වඩාත්ම වැදගත් වගකීම්වලින් එකක් වන්නේ ඔවුන්ගේ දරුවන්ගේ ආරක්ෂාව, යහපැවැත්ම සහ නිසි සංවර්ධනය සහතික කිරීමයි. කෙසේ වෙතත්, වර්තමාන සංකීර්ණ ලෝකය තුළ, ළමා සුභසාධනය පාලනය කරන නීතිමය රාමු අවබෝධ කර ගැනීම අත්‍යවශ්‍ය වේ. දරුවන්ගේ අයිතිවාසිකම් ආරක්ෂා කිරීම සහ ආරක්ෂිත පරිසරයක් තුළ ඔවුන්ගේ වර්ධනය සහතික කිරීම සඳහා ඔවුන් වටා ඇති නීති රීති පිළිබඳව දෙමාපියන් දැනුවත් විය යුතුය.
Leave feedback about this