අද වෛද්‍ය විද්‍යාවේ අපූරු අපූරු දේ සිදුවෙමින් පවතී. විශේෂයෙන්ම නව තාක්‍ෂණික නිපැයුම්, මිනිස් ජීවිත කාලය දිගු කරන නව විසඳුම් මේ වන විට හඳුන්වා දෙමින් සිටී. එවන් විශාල ප්‍රගතියක් ලෙස සැලකිය හැකි ටයිටේනියම්වලින් සකසූ කෘතිම හදවතක් මිනිස් ශරීරයට සාර්ථකව සම්බන්ධ කිරීම අද වන විට ලොව පුරා කතා බහට ලක් වෙයි.
වෛද්‍ය කෙෂ්ත්‍රෙය් මේ නව නිපැයුම සාම්ප්‍රදායික හදවත් ආශ්‍රිත වෛද්‍ය සැත්කම් සහ මිනිස් හදවත් බද්ධ කිරීම (transplant) පිළිබඳව බලාපොරොත්තු සහගත විසදුමක් ගෙන එයි. මෑතකදී, මෙම නව තාක්‍ෂණය සහිත ටයිටේනියම් හදවත බද්ධ කළ ඔස්ට්‍රේලියානු ජාතික වයස අවුරුදු 40ක හදවත් රෝගියෙකු සාර්ථකව රෝහලෙන් නිවස බලා ගිය බව වාර්තා විය. ඔහු කෘතිම ටයිටේනියම් හදවතක් සමඟ දින 100 ක් ජීවත් වූ අතර එය මෙතෙක් කලකට එවැනි තාක්ෂණයක් භාවිතයෙන් රෝගියකු රැඳී සිටි දීර්ඝතම කාල පරිච්ඡේදය විය. මෙය, ලොව පුරා කෝටි ගණනක හදවත් රෝගීන් සඳහා ජීවිතයේ නව බලාපොරොත්තුවක් ලබා දී ඇති බව කිව යුතුය.
ටයිටේනියම් කෘතිම හෘදය, හෘදයාබාධවලින් පෙළෙන පුද්ගලයින් සඳහා දිගු කාලීන විකල්පයක් ලබා දිය හැකි ලකුණක් සේ සැලකිය හැකිය. ඕස්ට්රේලියානු ජෛව ඉංජිනේරු ඩැනියෙල් ටිම්ස් මෙම කෘතිම හදවතේ නිර්මාතෘවරයාය. ඔහු වසර විස්සක් පුරා මෙය සංවර්ධනය කර තිබෙනවා. බද්ධ කිරීම සඳහා පරිත්‍යාගශීලීන්ගෙන් හදවතක් ලැබෙන තෙක් රෝගීන් ජීවත් කරවීමට මෙම ටයිටේනියම් හදවත භාවිත කළ හැකි බව ඔහු පවසනවා.
ලෝක සෞඛ්‍ය සංවිධානයට අනුව ලෝකයේ සෑම වසරකම මිලියන 18 ක් පමණ මිනිසුන් මිය යාමට ප්‍රධානතම හේතුව හෘද රෝග වන අතරම මෙම ටයිටේනියම් කෘතිම හදවත නිසා එම රෝගීන්ට නව බලාපොරොත්තුවක් ලැබී තිබේ.
විදෙස් පුවත් ඇසුරෙන්
Leave feedback about this