සුන්දර රූ සපුවකට බලපාන ප්‍රධාන සාධකය වන නිරෝගී සම සිරුරේ බාහිර ආවරණයක් ලෙස ක්‍රියාකරන අතරම සිරුරේ ඇතුළත ඉන්ද්‍රියයන් බාහිර වටපිටාවෙන් ආරක්ෂා කරයි. පුද්ගලයෙකුගේ සුන්දරත්වයට නිරෝගී පැහැපත් සමක් අත්‍යවශ්‍ය වන අතරම ඇතැම් සමේ රෝග හේතුවෙන් පීඩාවට පත්වන පිරිස් අප අතර සිටිනවා. එවැනි රෝග අතරින් වේදනාත්මක හෝ දෛනික ජීවිතයට බාධා නොවූවද ආයුර්වේදයේ කුෂ්ඨ රෝග යටතේ දක්වා ඇති සුදු කබර (ශ්විත්‍ර රෝගය) රෝගය යමෙකුගේ පෞරුෂත්වයට හානි කරන එනම් මානසිකව යම් පුද්ගයෙක් පහතටම ඇද දැමිය හැකි සමේ රෝගයක් ලෙස හැඳින්වීමේ වරදක් නැත. සුදු කබර රෝගය ඇතිවීමේ වැඩි අවදානමක් ඇත්තේ කාන්තාවන්ට වන අතරම පුරුෂයන්ට සුදු කබර රෝග ඇති වීමේ අවදානම අවමය.
සුදු කබර රෝගයේදී සිදු වන්නේ අපේ සමේ පිහිටි, සමට වර්ණය ගෙන එන මෙලනින් වර්ණකය නිපදවන සෛලෙවලට විරුද්ධව ප්‍රතිදේහයක් නිපදවීමයි. එසේ නිපදවෙන ප්‍රතිදේහ මඟින් වර්ණක නිපදවන මෙලනින් සෛල විනාශ කරයි. ඒ හේතුවෙන් සම සුදු පැහැයට හැරේ. එම සුදු පැහැ ලප මුලින්ම දැක ගත හැකි වන්නේ තොල්, මුහුණ හා ඇඟිලි තුඩු වැනි ස්ථානවලයි. ඉන්පසුව සිරුරේ අනෙක් ස්ථානවලට පැතිර යයි.
කුෂ්ට රෝග ඇති වීමට හේතු ලෙස නුසුදුසු ආහාර රටා, නිදිවැරීම, අසාත්ම්‍ය දෑ සේවනය, මල මුත්‍රා ආදීන්ගේ වේග දරා සිටීම, පෙර ජාතියේ කළ දුෂ්ඨක්‍රියා නිසා, ත්වත් දෝෂය වැනි හේතු බලපාන බව ආයුර්වේදයේ සඳහන් වේ. තවද සත්ව දෂ්ඨ (මීයන්, බළලුන් හෝ සර්පයින්) නිසා ද සුදු කබර රෝගය වැළදිය හැකි බව ද ආයුර්වේදයේ සඳහන් වේ. සුදු කබර රෝගය ඇති වීමට මීයන් හේතු විය හැකි අතරම රාත්‍රී කාලයේ ක්‍රියාකාරී වන මීයාගේ පිරිමි සතා සංසර්ගයෙන් පසුව ආවේගශිලී වන අතරම එවැනි අවස්ථාවක සපා කෑමකට ලක් වුවහොත් මීයාගේ ඛේටයෙහි තැවරී තිබෙන මී ශුක්‍රාණු මිනිස් රුධිර සංසරණ පද්ධතියට එක් වීමෙන් සුදු කබර රෝගය ඇති විය හැකි බව විශ්වාස කෙරෙන අතරම තවද මීයන් විසින් සපා කන ලද ආහාර විශේෂයෙන් පළතුරු අනුභවය හා මී උණ රෝගය වැළඳුන පසුවද සුදු කබර රෝගයට ගොදුරු විය හැකි බව ද විශ්වාස කෙරේ. කෙසේ වුවද ජානමය බලපෑමක් ද මෙම රෝගය ඇති වීමට හේතු විය හැකි නිසා මෙය පරම්පරාගතවද වැළඳෙන රෝගී තත්ත්වයක් ලෙසත් හැඳින් විය හැකිය.
ශාරීරයේ නීරෝගීතාවය රඳා පවතින්නේ වා, පිත්, සෙම් යන යන ජීව සාධක වල මනා සමබරතාවය අනුව බව ආයුර්වේදයේ පැවසෙන අතරම සුදු කබර රෝගයට එම සමබරතාවය බිදී යෑම ද හේතුවක් වේ. වා පිත් සෙම් යන ජීව සාධකවල අසමතුලිතතාවය අනුව සුදු කබරද ප්‍රභේද තුනකට බෙදෙන අතර එම කවද තත්ත්වයක් වුවද ආයූර්වේද ප්‍රතිකාර මගින් සුව කළ හැකි වුවත් රෝගය පැතිරී ඇති ආකාරය මත සුව වීමට ගත වන කාලය වෙනස් වේ. ඒ නිසාම සම මත ඇති වන පළමු සුදු පැහැ ලපය දුටු විගස ආයුර්වේද වෛද්‍ය ප්‍රතිකාර වෙත යොමු වීම වැදගත් වේ. දේශීය ආයුර්වේද වෛද්‍ය ප්‍රතිකාර ක්‍රම මඟින් ඈත අතීතයේ සිටම සුදු කබර රෝගය සාර්ථකව මැඩ පවත්වා නිට්ඨාවට සුවපත් කර ඇත.
- සම මත ආලේප කරන පත්තු
- ඖෂධීය තෙල්
- ගුලි වර්ග, කල්ක සහ කුඩු වර්ග
මේ ප්‍රතිකාර ක්‍රම මගින් සිදු කෙරේනේ සිරුරේ නැතිවී ගිය අසමතුලිතතාවය නිවැරදි කිරීමත් අවශ්‍ය මෙලනින් කණිකා නිපදවීමට ශක්තිය ලබා දීමත්ය.
සුදු කබර රෝගය වැලදුණු රෝගියෙකුට වඩාත් සුදුසු ආහාර ලෙස කතුරුමුරුංගා, මුකුණුවැන්න පලා වර්ග, කරපිංචා යුෂ සමඟ තණ හාල් කැඳ ඉතාමත් ගුණදායක වන අතර මාංශ වර්ග, ඇඹුල් රස පළතුරු හා අච්චාරු වර්ග සුදු කබර රෝගයට ලබා දෙන ප්‍රතිකාර සඳහා අහිතකරව බලපාන බව කියවේ.
එය අනියත බියකි. සුදු කබර රෝගියෙකු භාවිත කරන පිඟන්, කෝප්ප, කොට්ට ආදි දේ භාවිතයෙන් රෝගය බෝ නොවන බවත් රෝගයට ගොදුරු වූවන් සමාජයේ කොන් කිරීම සුදුසු නොවන බවත් වටහා ගත යුතුය. එවැනි රෝගියෙක් කොන් කිරීමෙන් වැලකී අවශ්‍ය වෛද්‍ය ප්‍රතිකාර වෙත යොමු වීමට සැලැස්වීම වඩාත් වැදගත් බව කිව යුතුය.ඛ්‍යමත් ජීවන රටාවක් ගොඩනැගීමේ වගකීම පවුලේ සියලුම දෙනාගේම බව අමතක නොකරන්න.
දැනුවත් කළේ
ආයුර්වේද වෛද්‍ය W.M.S.M ශිරෝමි විජේසිංහ මහත්මිය
ආයුර්වේද මහ රෝහල
දියතලාව
Leave feedback about this