අද වන විට කෘෂි රසායන හේතුවෙන් කොයි කාටත් මිලට ගන්නට ඇත්තේ වස විස පිරුණු එළවළු පළතුරුය. එය බොහොමයක් ලොඩ රෝගවලට මග හෙලිපෙහෙලි කරන නිසාම දැන් දැන් තම නිවසේ තමන්ට අත්‍යවශ්‍ය පමණට යම් යම් දේ සිටුවා ගැනීමට මිනිසුන් පුරුදු වෙමින් සිටී. ලඒ වගේම වෙළඳ පොළෙන් අධක මිලක් ගෙවා තම එදිනෙදා අවශ්‍යතා සපුරා ගැනීමට වඩා වස විසෙන් තොරව වඩාත් සුදුසු දේ වියදමකින් තොරව තම ගෙවත්තෙන් නෙලා ගැනීමට හැකි වීම වාසනාවකි.
එය ඓස් වුවද කෘමි සතුන්ගේ හිරිහැර, ඵලදාව අඩුකම වැනි ගැටලු ගෙවත් වගාවන් සිදුකරන කාටත් ඇති විය හැකියි. අන්න ඒ ගැටලු සඳහා විසදුමක් ලෙස ඔබට අවශ්‍ය නොයෙක් නොයෙක් වර්ගයේ පොහොර නිවසේදීම නිපදවා ගන්නේ කෙසේද යන්න මේ ලිපිය මගින් සාකච්ඡා කරමු.
පොහොර වර්ග අතරින් වඩාත් වැදගත් තැනක් හිමිවන දියර පොහොර බෝගයට යොදන පහසු හා සරල පොහොර වර්ගයකි. පසෙහි ආම්ලිකතාවය ඉහළ නොයවා නයිට්‍රජන්, පොස්පරස් හා පොටෑසියම් යන ප්‍රධාන පෝෂක තුනට අමතරව ක්ෂුද්‍ර පෝෂක ලබා දීමේ හැකියාව දියරපොහොර සතුය. දියර පොහොර වර්ග දෙකක් සදා ගන්නා ආකාරය පිළිබඳව දැනුවත් වෙමු.
- ගැඩවිල් දියර පොහොර
- පත්‍රවලින් දියර පොහොර
- බෝගවලට පහසුවෙන් උරා ගැනීමේ හැකියාව
- බෝගවල මැලවුණු ස්වභාවය තුරන් කර නව පණක් ලබා දීම
- පසෙහි ඇති පාංශු පෝෂක හිඟය මගහැරීම
දියර පොහොර යෙදීම මගින් ශාකය පුරා පොහොර ගෙන යා හැකි වන අතරම දියර පොහොර යෙදීම ක්‍රම දෙකකට සිදු කළ හැකිය.
ශාකයේ මුලට පොහොර යෙදීම – මුල් මගින් කඳ පුරා පෝෂ්‍ය පදාර්ථ රැගෙන යයි
සම්පූර්ණ ශාකයටම පොහොර ඉසීම – පත්‍ර, කඳ, පූටිකා මගින් ශාකය පොහොර උරා ගනී
ගුණාත්මක බවින් වැඩි ඉසින පෙහොරක් වන මෙය ඔබට නිවසේදීම සකසා ගැනීමට ඉතාම පහසු වනු ඇත.
අවශ්‍ය ද්‍රව්‍ය
ජල ලීටර 10ක් පිරවිය හැකි බැරලයක (අවශ්‍යතාවය අනුව බැරලයේ ප්‍රමාණය වෙනස් විය හැක)
ජල කරාමයක්
සාදාගන්නා ආකාරය
- බැරලයේ පතුලට අඟල් ½ පමණ ඉහළින් සිදුරක් සාදා එහි ජල කරාමය සවි කරන්න
- ඉන්පසු අඩියක උසින් යුතු ආධාරකයක් මත බැරලය තබන්න
- දැන් බැරලය පිරවීම ආරම්භ කරන්න
- බැරලයේ පතුලට වැලි තට්ටුවක් දමන්න
- පිළිවෙළින් බොරළු, වියළි ගොම, අමු ගොම හා ගැඩවිල් පණුවන් ඇති ස්ථානයකින් ගත් ලොම් පස් තට්ටුවක් දමන්න
- ඉහළින් අමු පත්‍ර හෝ පිදුරු අතුරන්න
- බැරලය උඩ කොටස සෙන්ටි මීටර පහක් පමණ හිස්ව තබා බැරලය පුරවා අවසන් කරන්න.
ගැඩවිල් පොහොර නිෂ්පාදනය වන්නේ ක්ෂුද්‍රජීවීන්ගේ ජෛව ක්‍රියාවලියක ප්‍රතිඵලයකිනි. ඒ සඳහා තෙතමනය ප්‍රශස්ත මට්ටමක පවත්වාගෙන යා යුතුය. තෙතමනය අඩු හෝ වැඩි වූ විට ක්ෂුද්‍ර ජීවින්ගේ ක්‍රියාවලිය අඩපණ වේ. ඒ සඳහා සිදුරු කළ මැටි මුට්ටියක් බැරලයට උඩින් ආධාරකයක් මත සවි කරන්න. නිතරම මුට්ටියට ජලය පුරවන්න. එවිට ක්‍රමානුකූලව ජල බිංදු බැරලයට වැටීම සිදුවේ. සති තුනක් පමණ බැරලයේ සවිකල කරාමය වසා තබන්න. සති තුනකින් පසු කරාමය විවෘත කර ගුණාත්මක බවින් යුතු ගැඩවිල් දියර පොහොර ලබා ගැනීමට පුළුවන. මෙලෙස ලබා ගත් ගැඩවිල් දියර පොහොර කොටස් එකක් ජලය කොටස් දෙකකට මිශ්‍ර කර බෝගවලට ඉසින්න.
පත්‍ර යොදා ගෙන සාරවත් දියර පොහොර සාදාගත හැකිය. කැප්පෙටියා, කොහොඹ, දාස්පෙතියා, එරබඳු, පාවට්ටා, මුරුංගා, වල් සූරියකාන්ත, පත්‍ර මේ සඳහා උදාහරණ කිහිපයකි. මේ ඕනෑම කොළ වර්ගයක් සති කිහිපයක් ඇල් දියෙහි බහා තබා හොඳින් පල් වූ පසු රොඩු පෙරා දියර පොහොර ලෙස භාවිත කළ හැකිය.මේවා බෝග මුල්වලටත් පත්‍රවලටත් සරු පොහොරකි.
මෙවැනි දියර පොහොර නිවසේදීම අත්හදා බලා ඔබේ වගාවන්ද සරුකර ගනිමින් වස විසෙන් තොර පෝෂණීය ආහාර වේලක් සඳහා විශ්වසනීයව ඔබේ ඵලදාව එක්කරගන්න
Leave feedback about this