- එළවළු
අපේ රටේ එක් එක් කාලවලදී ඵලදාව ලැබෙන එළවළු වර්ග බොහෝ ඇති අතරම එවැනි එළවළු ආහාරයට එක් කර ගැනීම තුළින් වැඩි පෝෂක ප්‍රමාණයක් ලබා ගත හැකි වේ.
- පලතුරු
අපේ රටේ එක් එක් කාලවලදී ඵලදාව ලැබෙන පලතුරු වර්ග ද බොහෝ ඇති අතරම ඒ ඒ කාලවලදී එවැනි පලතුරු ආහාරයට එක් කර ගැනීමෙන් පෝෂණය වැඩි කරගත හැකි වේ. නැවුම්, පිරිසිදු පළතුරු සැමවිටම තෝරාගත යුතු අතරම කෘතිමව ඉද වූ පලතුරු ආහාරයට නුසුදුසුය. ඒ නිසාම නැවුම් පලතුරු තෝරාගැනීම සම්බන්ධව දැනුවත්ව සිටීම ඉතාම වැදගත් වේ.
කැල්සියම් කාබයිඩ ජලය සමග මිශ්‍ර කළ විට ස්වභාවිකව පලතුරු ඉදීමේදී එමගින් පිටවන එතිලීන් වායුව හා සමාන වායුවක් පිටවන අතරම කෘතිමව පළතුරු ඉදවීම සිදුකරන්නේ එලෙසිනි. ඇතැම් වෙළදුන් කැල්සියම් කාබයිඩ කුඩු ඍජුවම යොදා ගන්නා අතර ඒවායේ ඇතැම් විට ආසනික් හා පොස්පරස් වැනි අහිතකර සංඝටක අන්තර්ගත විය හැකි අතරම ඒවා පිළිකාකාරකය. එසේම ස්නායු ආබාධ ඇති කිරීමේ ප්‍රවණතාවයක් ද පවතී. එසේ කෘතිමව ඉද වූ පලතුරු ආහාරයට ගැනීම අහිතකර වන අතරම පෝෂණයෙන්ද හීනය.
පලතුරේ කහ පාට නැට්ටේ සිට ක්‍රමානුකූලව විහිදී (කීතිමව ඉද වූ පලතුරු සම්පූර්ණයෙන්ම කහ පැහැයක් ගනී) ඇත්දැයි පරීක්ෂා කරන්න
පලතුර මත කොළ පැහැ පැල්ලම් ඇති දැයි පරීක්ෂා කරන්න
ඉදුණු පලතුරක ඇති නැවුම් සුවඳ පරීක්ෂා කරන්න
ඔබේ එදිනෙදා ආහාර වේල සඳහා අවශ්‍ය එළවළු සහ පලතුරු ඔබේ ගෙවත්තෙන්ම සපයා ගැනීමට හැකියාව ඇත්නම් එය වඩා සුදුසු වන අතරම රසය සහ ගුණය සම්පූර්ණයෙන්ම ඔබේ ආහාර වේලට මුසු වනු ඇත.
- මාළු
පැහැදිලි නොගිලුණු ඇස් ඇති සම දිලිසෙන මාළු තෝරාගන්න
රතු පැහැයෙන් යුතු මාළු තෝරා ගන්න
- මස්
පැහැදිලි චෙරි රතු පැහැයකින් යුක්ත විය යුතුය.
- බිත්තර
පලුදු රහිත නොබිඳුණු බිත්තර තෝරාගන්න
භාවිතයට පෙර හොඳින් සෝදා ගන්න
- කිරි හා කිරි ආහාර
කිරි නිෂ්පාදනවල නිශ්පාදිත දිනයත් හා කල් ඉකුත් වීමේ දිනයත් පරීක්ෂා කරන්න
පාශ්චරීකරණය කළ කිරි සෙල්සියස් අංශක 4 ක් යටතේ ගබඩා කර තිබේදැයි පරීක්ෂා කරන්න
යෝගට්වල ආවරණය පිටතට නෙරා පිම්බුන ස්වභාවයක් නොමැති නම් මිලදී ගන්න
- ධාන්‍ය, අල, බතල හා තෙල් සහිත ඇට වර්ග
දිලීර (පුස්) හේතුවෙන් අපවිත්‍ර වූ අවපැහැ ගැන්වුණු ඇට වර්ග ආහාරයට ගැනීමෙන් වලකින්න
- ඇසුරුම්/ටින් කරන ලද ආහාර
ඇසුරුම්/ටින් කරන ලද ආහාර මිලදී ගැනීමට පෙර නිෂ්පාදිත දිනය හා කල් ඉකුත් වීමේ දිනය පරීක්ෂා කරන්න
ටින් කරන ලද අහාරවල ඇසුරුම තැලී, පිම්බී හෝ සිදුරු වී ඇත්නම් ඒවැනි දේ මිලදී ගැනීමෙන් වලකින්න
පැකට් කළ ආහාරවල මුද්‍රාවට හානි සිදු වී ඇති දැයි පරීක්ෂාකාරී වන්න
ආහාර සම්බන්ධව සැලකිලිමත් විය යුතු තවත් වැදගත් කරුණු තුනක් ලෙස ආහාර සැකසීම, ගබඩා කිරීම ද ඉතා වැදගත් තැනක් ගනී.
ඔබේ මුලුතැන්ගෙය හා අවට පරිසරය පිරිසිදුව තිබිය යුතුය
ආහාර පිසීමට ඇලුමිනියම් බදුන් නුසුදුසු අතර වඩාත් යෝග්‍ය වන්නේ මැටි බඳුන්ය
අපද්‍රව්‍ය ක්‍රමානුකූලව බැහැර කළ යුතු අතරම එමගින් මීයන්, මැස්සන් වැනි සතුන් පැමිණිම වලක්වා ගත යුතුය
කෑම මේසය, අත් පිස්නාවල පිරිසිදු බව සැමවිටම පවත්වා ගත යුතුය
පිහි ඇතුළු ආහාර සැලසීමේදී යොදාගන්නා සියලු දේ හොඳින් පිරිසිදු කළ යුතුය
ආහාර සැකසීමෙන් පසු සතුන්ගෙන් ආරක්ෂා කර ගැනීමට හොඳින් වසා තැබිය යුතුය
අධිශීත කළ මස් වර්ග සහ මාළු වර්ග පිසීමට පෙර හොඳින් ශීතහරණය කළ යුතුය
මස්, මාංෂ සහ බිත්තර වැනි ආහාර හොඳින් පිරිසිදු කළ යුතු අතරම හොඳින් පිසීම ද අත්‍යවශ්‍ය වේ.
ආහාරයේ අඩංගු රෝගකාරක විෂබීජ විනාශ කිරීමට සෙල්සියස් අංශක 70 ක පමණ උෂ්ණත්වයක පිසගන්න
බිත්තර අමුවෙන් (සැලමොනෙල්ලා වැනි බැක්ටීරියා ආසාදනවලට ගොදුරු විය හැකි අවදානම වැඩි නිසා) ආහාරයට ලබා නොගන්න
සූතිකා පුහුණු හෙද නිළධාරිනි,
බාහිර දේශක සහ ලේඛිකා
