ඔබේ දරුවාගේ ලෝකයේ වීරවරිය වන ඔබ මෙම ලිපිය කියවන මොහොතේදී, ඔබ දරුවාගේ එදිනෙදා අවශ්යතා සපුරාලීම, නිමක් නැති චිකිත්සක සැසිවලට සහභාගී වීම හෝ රාත්රියේ නිදි නැතිව දරුවාගේ සුවය ගැන සිතමින් සිටින්නට පුළුවන. ඔබගේ උර මත පැටවී ඇති බර කෙතරම් විශාලදැයි අපි දනිමු. ඔබ සාමාන්ය මවකගේ භූමිකාවට වඩා වෛද්යවරියකගේ, චිකිත්සකවරියකගේ, උපදේශිකාවකගේ සහ අනන්ත දිරිගැන්වීම් සමග එක් වූ භූමිකාවන් එකවර නිරූපණය කරන්නීය.
ඔබ මේ ගෙවන ජීවිතය හුදෙක් ගමනක් නොව, එය අනපේක්ෂිත හැරවුම් සහිත, අභියෝගාත්මක නමුත් විස්මිත උපරිම ශක්තියෙන් දිවෙන මැරතන් තරඟයක් වැනිය. ඔබ සාමාන්යයෙන් නොලැබෙන ජයග්රහණ ලබන, ලෝකයේ වඩාත්ම ශක්තිමත් මවක් බවට පත්ව ඇත. ඔබගේ අසමසම කැපවීම වෙනුවෙන්, අපගේ හෘදයාංගම ස්තුතිය සහ දිරිගැන්වීම ඔබ වෙත පිරිනමන්නෙමු.
විශේෂ අවශ්යතා සහිත දරුවෙකුගේ මවක් වීම, බොහෝ විට අනපේක්ෂිත දුක් වේදනාවන්ගෙන් ආරම්භ වේ. දරුවාගේ තත්ත්වය මුලින්ම දැනගත් දවසේ ඇති වූ කම්පනය, බිය සහ අහිමි වීමේ හැඟීම් කිසිවෙකුට සම්පූර්ණයෙන් තේරුම් ගත නොහැක. ඔබ නිහඬවම විඳදරාගත් එම දුක සහ මානසික අරගලය වචනයෙන් පැහැදිලි කළ නොහැක. ඒත් එය ඔබගේ ජීවිතයේ යථාර්ථයයි. නමුත් ඔබ එම වේදනාව තුළින්ම ශක්තියක් ජනනය කර ගත්තාය. ඔබ දරුවාගේ අවශ්යතා වෙනුවෙන් පැන වීමට, නිවැරදි ප්රතිකාර සොයා ගැනීමට සහ නොමඳ ආදරය ලබා දීමට ඉගෙන ගත්තාය. ඔබේ දරුවාගේ පුංචිම පුංචි දියුණුවක් වුවත් ඔබ සමරන්නේ අතිශය සතුටකිනි. ඔබේ දරුවාට ජීවිතයේ දුෂ්කරම සටනට මුහුණ දීමට සිදුවී ඇති විට, ඔබට දුර්වල වීමට ඉඩක් නැත. ඔබගේ නොසැලෙන අධිෂ්ඨානය එහි ප්රතිඵලයයි.
සාමාන්ය සමාජය ජයග්රහණ ලෙස දකින්නේ ඔබ දකින දේ නොවුණත් විශේෂ අවශ්යතා සහිත ඔබේ දරුවා සමග ධෛර්යමත්ව ජීවිතයට මුහුණ දෙන ඔබගේ ලෝකයේ, සාර්ථකත්වයේ අර්ථ දැක්වීම වෙනස් මෙන්ම වඩාත් ගැඹුරු සහ වටිනා එකකි.
ඔබේ දරුවා අද දින තනිව හැන්දක් අතට ගත්තා නම්, ඔබේ ඇස් දෙස කෙලින් බැලුවා නම් හෝ නව වචනයක් කීවා නම් එය ඔබ වෙනුවෙන් අතිවිශාල ජයග්රහණයක් වනු ඇත. මෙම කුඩා ජයග්රහණවල වටිනාකම කිසිම විටෙක අඩු තක්සේරු නොකරන්න. ඒවා ඔබගේ සහ දරුවාගේ අතිවිශාල කැපවීමේ ප්රතිඵල බව මතක තබා ගන්න.
දරුවාට වඩා හොඳ ජීවිතයක් ලබා දීමට ඔබ දරන සෑම උත්සාහයක්ම, ඔබ කරන සෑම පර්යේෂණයක්ම, ඔබ ඇවිද යන සෑම චිකිත්සක මධ්යස්ථානයකම සාර්ථකත්වය වේ. ප්රතිඵලය කෙසේ වෙතත්, ඔබගේ ක්රියාව සහ කැපවීම යනු සැබෑ ජයග්රහණයයි.
බොහෝ විට, විශේෂ අවශ්යතා සහිත දරුවෙකුගේ මවකට දැනෙන්නේ ඇය තනි වී ඇති බවයි. අන් අය තම සාමාන්ය දරුවන් සමඟ විනෝද වන විට, ඔබගේ අරගලය කිසිවෙකු නොදකිනවා යැයි ඔබට හැඟෙන්නට පුළුවන.
- ඔබේ අත්දැකීම්වලට සමාන අත්දැකීම් ඇති අනෙකුත් දෙමාපියන් සමඟ සම්බන්ධ වන්න. ඔවුන් සමග ඔබගේ ගමනේ සැබෑ අභියෝග සහ සතුට තේරුම් ගත හැකිය. සහායක කණ්ඩායම් හෝ ඔන්ලයින් ප්රජාවන් තුළින් ඔබට ශක්තිය හා සහයෝගය ලබා ගත හැකිය.
- ඔබගේ සැමියාගෙන්, පවුලේ සාමාජිකයන්ගෙන් හෝ මිතුරන්ගෙන් උදව් ඉල්ලීමට ලැජ්ජා නොවන්න. මෙය එක මවකගේ කාර්යයක් නොව, පවුලේ සහ සමාජයේ කාර්යයකි. ඔබ ශක්තිමත් විය යුතු නිසා, විවේකයක් ගැනීම අත්යවශ්ය වේ.
- ඔබ මානසිකව වෙහෙසට පත්ව සිටිනවා නම්, වෘත්තීය උපදේශකයෙකු හමුවීම ඔබේ දුර්වලකමේ ලකුණක් නොවන බවත් ඔබේ නිසි මානසික සෞඛ්යය දරුවාගේ යහපැවැත්මට සෘජුවම බලපාන බවත් මතක තබාගන්න.
ඔබ දරුවා වෙනුවෙන් ඔබවම පීඩාවට පත්කරමින් සිටිනවා විය හැකි වුවත් දරුවාට ඇති එකම පිටිවහල ඔබම වන නිසා ඔබ, ඔබව ආරක්ෂා කර ගැනීම දරුවාගේ අනාගතය වෙනුවෙන් ඔබ කළ යුතු වැදගත්ම දේ වේ.
ඔබට දවසට විනාඩි 15ක් හෝ පැය භාගයක් ඔබ වෙනුවෙන්ම වෙන් කරන්න. එය උණුසුම් තේ කෝප්පයක් පානය කිරීම, නිහඬව සංගීතයට සවන් දීම හෝ සරලව ඇවිදීම විය හැකිය.
ඔබ විවේකයක් ගන්නා විට හෝ දරුවා සමඟ කේන්ති ගිය විට වරදකාරී හැඟීම් ඇති විය හැකි අතරම එම හැඟීම් ස්වභාවික බව තේරුම් ගන්න. ඔබ ද මනුෂ්යෙයක් නිසා පරිපූර්ණ විය යුතු නැති බවත් පරිපූර්ණ විය නොහැකි බවත් සිත්හි තබාගන්න.
විශේෂ අවශ්යතා සහිත දරුවෙකු ඇති දැඩි කිරීම තුළින් ඔබ සමාජයට විශාලතම පාඩම් කියා දෙයි. ඉවසීම, කොන්දේසි විරහිත ආදරය සහ අනුකම්පාව යන දේ ඔබ ලෝකයට උගන්වයි. ඔබේ දරුවාගේ ජීවිතය දකින සෑම කෙනෙකුටම, ඔවුන්ගේම ගැටලු දෙස වෙනත් ආකාරයකින් බැලීමට ඔබ අවස්ථාව සලසා දෙයි. ඔබේ දරුවාගේ අනන්යතාවය සහ අලංකාරය ලෝකයට පෙන්වන්න. සෑම දරුවෙකුම ඔවුන්ගේම ආකාරයෙන් විශිෂ්ට බවත්, ඔවුන් සාමාන්ය නොවීම ඔවුන්ගේ විශේෂත්වය බවත් සමාජයට කියා දෙන්න.
ආදරණීය සුවිශේෂී මවක් වන ඔබගේ ගමනේ දුෂ්කරතා තිබියදීත්, ඔබ අසමසම ලෙස දක්ෂය. ඔබ දිනපතාම පුදුම සහගත ක්රියා සිදු කරයි. ඔබගේ දරුවාට, ඔබ යනු මුළු විශ්වයයි. ඔබේ ආදරය සහ කැපවීම කිසිදා ප්රශ්න නොකරන්න. ඔබේ ශක්තියට, ඔබේ නොසැලෙන ආදරයට සහ ඔබ නිර්මාණය කරන සුන්දර අනාගතයට සාමාජයක් ලෙස අප සැවොම ආචාර කරනු ඇත.
Leave feedback about this